Segata Ngangga Hinik

kota dalom pekon lom
khanglaya batukhaja
ku biti kelom kelom
niat haga putungga

ngiok ngiok dikhangok
mejong di tuntungan jam
luahpai adek sakhebok
kipak halangan badan

ki mangkung katadogok
atawa mak bukakhja
kenai tungga dakhebok
kik adek mawat buya

dekul dekul mahiyok
dang dikanikon gula
luah pai adek sakhebok
kipak badan mo buya

gulai bung sanga cumbung
mak dapok ngeni khompok
luwahpai niku ibung
pekhluko sangdakhebok

penglabung khani penglabung
kemakhau tangih nana
kusansat khani labung
kekalau kik putungga

kubilang sai tekhang
laju bangik wi cawa
mangkung nyak haga mulang
ki kham mangkung patungga

wat pungkut manggut manggut
saluang dibah batu
kusansat lapah cukut
hag tungga di niku

mula nyak sedih miwang
santokh ingok diniku
mangkung nyak haga mulang
ki mangkung tungga niku